Ko te nama take ko te 10351. Kua kohikohia ngā ripene kōrero mai i ngā rārangi pukapuka o ‘He Purapura’, ‘He Kohikohinga’, ‘Te Tautoko’, me ‘Te Wharekura’ ki te hanga i tētehi kōpae hou. E rite ana te kōpae whakarongo ki te whare pukapuka kia taea ai e te kaimahi te whiriwhiri i ngā taumata rerekē. Ko te momo waiata reggae e tautoko ana i te pukapuka nei mai i te rārangi o ‘He Purapura, ko Whatu Kāpō, Taringa Turi’ nā Te Aorere Riddell (nama take 12848). Ko te whakaari ‘E Hia te Utu o te Koiora?’ nā Tangihōro Fitzgerald, mai i ‘He Kohikohinga 29’ (nama take 10120) kei roto ko te haumaru ahi e kōrerotia ana, ka tautokona ki ngā rangi rock and roll. Ko ‘Te Tautoko 44’ (nama take 10339) e hāngai ana ki ngā puoro tāwhito me ngā puoro parāhi. Kei runga i te kōpae nei e rua ngā pūrākau e mau ana i ngā momo puoro e tika ana mō te kōrero. ‘Mai i te Pūtātara me te Pūkaea ki te Piukara’ nā Hirini Melbourne, me Pēne! Whakarongo! Kia Rite ki te Whakatangi nā Te Kiri Kotea. Ko te mea roa rawa kei runga i tēnei kōpae ko te rīpene mai i ‘Te Wharekura 66’ (nama take 10347) e kōrero ai te tamāhine a Eva Rickard, a Hine Kahukura, mō tōna māmā. He waiata hoki nō te rohe pōtae hei kīnaki mō te kōrero.
Wāhanga Ako
