Ko te nama take ko te 12998. Kei te rauemi ‘Whakataukī’ tekau ngā kāri pikitia, tētehi kōpae, me tētehi pukapuka aratohu mā te kaiako. E whakaaturia ana ētehi whakataukī rongonui tekau i runga i ngā kāri whaikano. Kei tētehi taha te reo Māori, kei tētehi atu te reo Pākehā. Ko Te Ahorangi Wharehuia Milroy nō Tuhoe te kaikōrero i runga i te kōpae. He reo ātaahua tōna, ā, ka rawe ōna whakamārama o ia whakataukī mō ngā kaiwhakarongo o nāianei, me ērā o ngā rā kei te heke mai. Kei te pukapuka aratohu mā te kaiako he kōrero i roto i ngā reo e rua, me ngā hononga ki ētehi atu rauemi hāngai. E hono ana tēnei rauemi ki te whenu Te Ahurea me ngā Tuku Ihotanga i roto i te marautanga ‘Tikanga ā-Iwi’. He pai hoki tēnei rauemi mā ngā kaiako e whakaako ana i ngā kōwae reo, i ngā toi rānei.
Wāhanga Ako
