Ko te nama take ko te 116240. He pukapuka tēnei e kōrero ana mō ngā māhanga me tā rāua kurī a Raru. I a rātou e tākaro ana i te urupā o ngā waka pakaru, ka kitea e Raru tētahi kotiate i waenga i ngā waka pakaru. Ka puta ake te pātai ki waenga i ngā māhanga , mēnā ka puritia te taonga rā mā rāua, ka whakahokia rānei ki te tangata nāna nei te kotiate. Heoi, ka whakaaro ngā māhanga kia waiho mō te pō kātahi ka whakatau ka aha rāua. Ka hunaia e rāua ki raro i te whāriki i roto i te waka pakaru. Nō muri ka mōhio rāua nā tētahi i whanako i te kotiate. Ā, he kaitiaki hoki tōna. Kei roto i te pānuitanga o te nūpepa tētahi whakatūpato ki te tangata nāna nei i whanako i te taonga nei, ka mākutuhia a ia ki te kore ia e whakahoki atu ki te whānau Parau. Kātahi ka tīmata ngā mahi whakamataku, whakararu hoki i ngā whakaaro o ngā māhanga. Me tā rāua mōhio anō ko te kotiate tonu tērā e whakararu ana i a rātou. He pukapuka tēnei hei tautoko i ngā marautanga o te reo Māori me te tikanga ā-iwi ki nga taumata 1 me te 2.
Wāhanga Ako
